Новостная лента
В День Святого Духа в Предтеченском храме вознесли молитвы об избавлении от греха детоубийства
- Информация о материале
- Категория: Новости
- Опубликовано: 02.06.2015, 15:43
- Просмотров: 1715
1 июня в День Святого Духа, на который попадает в этом году День защиты детей, в храме святого пророка Иоанна Предтечи возносились молитвы о просвещении народа, да избавится от греха детоубийства.
После Божественной литургии совершенной клиром храма, перед праздничным аналоем был совершен чин славления Празднику. Затем настоятель преклонив колена прочитал молитву:
О Троице Живоначальная!
Боже Святый, Премудрый и Непостижимый! Ты по образу Твоему совершенному и подобию предивному сотворил еси человека яко семью, да, множайшии числом и лицы разнящеся, в единении любве пребудем, хваляще Тя яко дети -Отца своего. Отпадших же нас не презрел еси, но и Сына Единороднаго Твоего дал еси, да не погибнем во веки. Сей Господь наш Иисус Христос, от Духа Свята в девственных ложеснах зачатся безсеменно, во спасение наше, явися на земли. И сложив нам, человеком, радости и горести наша совершение познал есть, яко и Самому рещи Ему о жене раждающей, яже не помнит скорби за радость, яко родися человек в мир. Сей убо Господь наш от младенческих пелен изгнание и всякое лишение претерпе, паче же Иродовым скверноубийством детей незлобивых уязвися всемилостивое Его сердце. И доныне, увы нам, паки и многажды оскверняется земля наша кровми сотен тысящ младенец безвинных, иже не проидоша врата жития сего, света не зревших, любве матерния яко и защиты отчия не познавших, крещения святаго не сподобившихся. Несть нам мира, пагубе среде нас умножившейся, несть облегчения вины, несть благословения всенароднаго от Бога Тя - Судии нелицеприятна. Вемы бо, Правосуде, гнев Твой, сопротивныя попаляющий; вемы, Неложне, яко, аще назриши беззаконие, никтоже устоит; но вемы Тя - Бога кающихся, ко исправлению зовуща грешныя, яко у Тебе очищение есть. Сего ради припадаем Ти, из глубины сердечныя взывающе: помилуй, Господи, помилуй нас, просвети умы и сердца упорствующих в лютом детоубийстве, обрати сих к покаянию истинному, примири со убиенными младенцами, настави на путь правды Твоея, укрепи немощныя в вере, на недвижимем камени заповедей Твоих утверди всех нас, яко от утробы матерния к Тебе привержени есмы, Господи - Упование наше, Господи - Мир наш, Жизнь наша, Господи.
О сем умильно призываем в молитву Пречистую Деву-Богородицу со святым Предтечею Иоанном, и святыя угодники Твоя, Господи: прежде мученики-младенцы Вифлеемския, вкупе со отроковицами славными Верою, Надеждою и Любовию с материю их премудрою, таже с венценосными отроки-страдальцы Димитрием и Алексием, вкупе со всеми царственными страстотерпцы и новомучениками Церкве Русския, изрядно же великаго Сергия, возгласившаго из утробы матерния Ти, Троице Живоначальней песнь хвалы, темже приими и наших сердец смиренное моление сие. Аминь.
